Wednesday, June 25, 2008

نهذِّبُ أطراف الروحِ بالشِعر

شكراً لكل
من حضر اليوم
كل من أنار فرْحاً بوجهي إثر وجوده
كل من أراد أو تمنَّى التواجد
أو تمنى لنا الخير
شكر خاص
لكفوف أحسستُ بتربيتها على رأسي خلسةً
دون تحضيرٍ مسبق
رغم أنف البصر
..
شكراً لوجودكم في الحياة :)



..


على سحابةٍ من النغم سنلتقي بثلاثية الحلم والمطر والموسيقى





الشاعرة رانيا منصور
http://raniamansoor.blogspot.com/

الأديب إبراهيم عادل
http://anaweana.blogspot.com/

الشاعر محمد قرنة
http://mohamedkorna.blogspot.com/



في مركز طلعت حرب - السيدة نفيسـة ـ أمام مستشفى المغربي للعيون
يوم الأحد السادس من يوليو من الساعة السابعة للساعة التاسعة مساءَ
سيكون الصيف جديد مع ربيعهم بس اسهار


" إسهار بعد إسهار اسهار و عنا الحلا كلو و عنا القمر بالدار و ورد و حكي و أشعار
بس إسهار بس اسهار اسهار "
















تيراراراااااا رااااااااااااا
..
ده الكلام الـ مكتوب عالفيس بوك راعي الكورة فـ مصر
أو الشِعر
مش مشكلة!
:D

http://www.facebook.com/home.php?#/event.php?eid=27373600750&ref=nf

يوم 6 يولية في السنة اللي مش راضية تلف وييجي غيرها بقى
مركز طلعت حرب يا
يعيش
يا
يعيــــ ــــ ـــــــــــــش
السيدة نفيسـة ـ أمام مستشفى المغربي للعيون
من 6:30م - 9 م

أوعدكو أحاول أتدخل بالدعاء في تصاريف القدر
ونضبط 7 دي على ساعات البشر
من غير المصريين


..

إحم..
دمي تقيل موت
بس وعد مش هاقول غير شِعر يوميها
لا تقلقوا :D

هتنورونا
:)








Tuesday, June 17, 2008

دوْدَوَة..


كتبتُ إليكِ من عتبِ.. رسالة عاشقٍ تعبِ
رسائلهُ ، منازله .. يعمّرها بلا سببِ

يعود إليكِ عند الليل.. حين تأوه القصبِ
يسائل كيف حال الدار..كيف مطارح اللعبِ
ويمسح دمعةً سبقتكِ رغم تمنعِ الهُدُبِ

رسائلهُ، منازله .. يعمّرها بلا سببِ


..



عارفة
ساعات باقول هو مين أقربـ لي دلوقتي؟
وبابتسم بـ وَحشة!
باتخضّ من قلبي
وباحس اني بعيـ ـ ـ ـ ـ ـدة
وقريّبة
ومبسوطة
وتعبانة
وهَـ
ومش ناوية!
ليه الكلام معرفش!



..




كل كلامك بـ يمسّ
بيحرك طراطيف صوابعه ع الروح
ويسيب مكان ما بيعدّي حاجة بتعرج وتبتسم
ماينفعش تردّي
وما ينفعش تسكتي
بس كتر المشي عالموكيت بيبريه!


..


كتبتُ إليكِ من عتبِ.. رسالة عاشقٍ تعبِ


..



إحنا ليه قريبين أوي؟
وليه بعاااااااد "أوي"
ليه بتاخدي وجعي ومابتحدفيش فـ وشي زيّه، شبهه،
بتديني مخدة و"ادعي" وساعات "ادعيلنا"
يمكن القرب حفرة بنقع فيها من غير قصد
زي "نفسي بس اعرف مين اللي زقني!" هع!!
بس لما نقع ونلاقي جوّا طوب ناعم زي القلب،
نقول ده نصيب خير ونرفض نطلع
أو نطلع بينا
ماتغيبيش وانتي حاضرة
يا عقرب!

..


عارفة
بياكلوا العصافير!
آه والله
حسيت وقت ما شفتهم اني اتشقّيت نصين.
ساعات باحتاج حد يقولهالي فـ وشي
"بياكلوا العصافير"
معرفش ايه فكّرني باللمبي! هههههههه
بس ده بياكلوها بجد!
انا هدهد
انا هدهد
انا هدهد


..


أنا أنشف دلوقت!


..


أبعد منك ما شفت
واقرب منك .... !
الغياب بيجرد الواحد من ممتلكاته
وانا فقيرة ورب العزة


..

عارفة وحشتيني أدّيه؟؟
هاجيبك من شعرك!

..


أنا رغم وقوعي باقوم
باقوم
مصلوبة الضهر..



بمسمار ألاووظ

..



وهاعدّي الناحية التاية واقول
"الحمد لله"
عدّيت

..


غربلي وشي
ماتخافيش مني فـ غضبي
ماتخافيش تقتليني بدبوس رفيّع
ما هم بينفخوا ف بق اللي بيموت
فيعيش!
بيدقّوا عضام صدره
فيرمي إديهم ويزق بردة فعل تخض!
زقيني!
باحتاج أتهدّ
فـ ابني
..



جوايا معووج غصب عني ومنكسِر
وإياك تكون
جيت بس يكمل بيك طابور
بس الحكاية بتبتدي مع آخر الصفحة اللي نقفلها ونقوم
عارفة شاويش الإيمو
اللي بيمشي بعيد
بشويش
ويخض الباقي
ويقول انا جيت
مرعوب وفاكرني باخاف منه
مخدوع!
عارفة
الحب يخوّف
بس اللي دراعه بيقوى عليه مايخافش
انا عايزة دراعي ينبّت تاني
من قلبي
شفتيش دراعات قوة بتخرج م القلب؟
مش ناوية اتهدّ!
ماباخافش!

..


عايزة اتبرع
بالدم
"بجد"


..



رسمتكِ نجمة الكتبِ


..

عيطتْ كتير!
فـ برِدتْ

..
ولوحدي باكون
أسلم ع الكون
..


بحلم بيك
مش أغنية!
بس هناك بالاقيك صادق أكتر
وانطق "صادق" بالسين!
زيي..
هو انت صحيح عيان؟؟

لو راح تِعْديني
الله يخليك


قرّب
مابخافش!

..


والله يا أمي
حطِّتْ يدك على راسي كفاية

عارفة بقالي أد إيه ما شفتكيش؟؟
لأ.. مش من انهاردة الفجر!




مش عارفة اتعود ع المية
مش عارفة اتعود ع البوح
مش عارفة ألعب تمارين

لكن باشرب مية كتير
وبارغي كتير ف البوح
وباهد ضلوعي بمشاوير ياما


..

نفسي أبطّل كدب


..


في ناس معرفتش عمري أطلّع ليهم كلمة
في ناس بوحهم مش ليهم
ليا
في ناس مابقتش بتفرق فيهم حاجة


..

صاحية الصبح= الضهر
قلت آكل خوخة وتفاحة واصوم عن موتي شوية لحد الليل ما يدب صوابعه ف عيني ، فاتكبّ المجّ المليان ميّة بتغلي عليا حرقني
ده بجد!
حرقني بجد!



خير..
فـ فرحت!

مهووسة بوجعي!


..


ماتفكر تاني؟
مش عيب!

..


نهجان
قلبك مخضوض
مليان تنهيد او رغبة ف حلم كبير
مستورة الدنيا كتير
واحنا بنفضحها بتلوين ايدنا بحنّة وشادوهات ومكاحل سود
وماحدش فاهم حاجة
..


كل كلامي مالوش معنى اساساً
بس بتدّولوا المعنى ف اخر سطر وتقولوا اكيد دي بتقصد حاجة كبيرة
وانا والله ما اعبط مني ف رص عياط مشفوف بالمللي
خدوا بالكوا شوية انا باكدب اهه

..


الحمد لله
قربنا خلاص
هانحوّد اهه

..