..
أول ما رسالتي بتوصل ليه
يبعتلي موبايله الرد بدون تفكير
مش بيقلّب فـ الأحداث أو يتأكد من تأويله
لا بيتأكد من إحساسه
ولا بيمشّي إيديه على راسه ويعرف ماله
وسرحان ليه
مش بيحاول يعرف سرّه ويدّيه للي رسالته دي ليه
أول ما رسالتي بتوصل
بيقولي ان رسالتك وصلت!
بس موبايله عشان مش فاهم
مش بيقوللي قراها ازاي
وان مرتاح
سره بيضحك
وان كان يعني كويس مثلًا
والنبي يعني قراها أكيد؟
ولا "فلان" القاطن جوا خيالي الخايف بس
سرقها!
توماتيكي الرد بيوصل
بس ما بيطمنش الرزْع فـ قلبي عليه
لو كان بالمرة يرد بصوته كمان..
ويقوللي ان فـ نفس اللحظة كتبلي الرد عشان واحشاه !
2 comments:
جنون ألا أجد نصف تعليق هُنا
و جنون أن يُعلق أحد هُنا
..
ابتسام
شكرا لك
لم أعد أنتظر ردًا
يكفيني أن أمرّ هنا لأجد بعضي مكتوبًا
رغم ذلك
أسعد كثيرًا بمرور رائع كمرورك
أسعدتني صدقًا :)
شكرا لك..
Post a Comment