...............................................

بسم الله الرحمن الرحيــــــــــــم
...



الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا

وَقَالُوا حَسْبُنَا اللَّهُ وَنِعْمَ الْوَكِيلُ

ۗ وَاللَّهُ ذُو فَضْلٍ عَظِيمٍ

فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ

إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ

إِنْ كُنْتُمْ مُؤْمِنِينَ

صدق الله العظيم

..

فـَ قـَ دَ....... فَقَدَ

.
.
.

.
.

إنَّا
لله
وإنَّا
إليهِ
راجعون

..

زنْبُقة

أن تتحدّاني

أن تسمّر عينيك كالخطاطيف على وجنتيّ

وتشمّر صدرك العريض عن نبضة تتلوى كالنجوم

أن تواتيك الفرصة أخيراً لتتفادى قوة الملاحظة في أصابعي

وتهذّب مفاجأةً بحجم اندهاشي لسرعتك في التعلم

ها أنتَ قيد فورانٍ ضئيل

تغدو أثناءه حبيبي الحقيقيّ الوحيد

ها أنت تهبّ النار في حلقكَ حين تطيل النظر لعينيّ

ثم لا تكاد تطيق البرد بعيداً عنهما


بنفس زوايا انحراف لحيتك الدقيقة

أدور حول كفيكَ بامتنان

أنفخ نوراً في وجهك لتشهق كعادتكَ أيها المتيّم

كي تحبّني كماك أو يزيد

كي يشرق على جبهتكَ شِعرٌ جديد لم أتعلمه بعد

كي أتحداك وأحبكَ

رغماً عن هدوئكَ الذي يمسح على رأسي كلما تمرّدَت الساحرة بداخلي

واستشرى شرُها المزعج كقرص البعوض بأطراف أصابعي

تلمِّعُ أنتَ حدقتي بقبلةٍ وتحذرني من البكاء ثانية !

فـ ـأبكي

!

سيبها ونام

عندي لقلبك كام هدية صغيرين
أول كلامي كام نَفَس
حطيت عليهم فرحتي ونفختهم فيك
لجل ما تطيب م البعاد
تاني كلامي حبتين مانجة وعنب
متعودين ناكل حلاوتهم سوا
ونخلي بذرتهم تنور ف العتاب
تالت كلامي خوف تهوّش ضحكتي
إياك تهوّش ضحكتي !
لساها طفرة بتنزوي لجلن تطيب
ماتت زمان
هتصير تراب
وتصير كما قال الكتاب
ضحكة بشر
أصل اللي كان قبلك بَشَر ضحكي وساب
والله ما ساب!


خليك كويس مثلما قلنا وطببني.. عليه وحده العوض
فـ ابقى العوض وحياة جمال وجه النبي
وابقى اللي طاف من أول البسمة اليمين
حتى الشمال
حبيت تتوه فـ اديتك المفتاح عشان
تعرف تعاود لما تخلص رحلتك
مش حِمل أصلا بهدلة بالله عليك
بتشيل عن الكتف الحمول
بالله تحاسب ع اللي فاضل بين صوابعي بيوجعوا
لفّت على ايديا الشنط واتكعبلت
مابقيتش عارفة اديك تشيل ولا عارفة اكمل ف المسير
ولا عارفة اكون صابرة ف سكات


طبّقني تطبيق الجنيه وادفعني واشرب حاجة ساقعة ورجّني
يمكن اكونلك نص ما يمكن تكون
وحياة غلاوتي ف عز ما بيغلى الدهب
اسمع كلامي مرة آه والتانية والعشرين وحق العِشرة لأ
لطشوا البصيرة من العينين
والقلب مكلوم م الوجيعة


لو شفت وش بنية نايمة بينتفض
ويقول كلام ما يخصهوش
ويزوم على اوجاع المشانق
يتسحب تحت الكلام
ويدوس بإيده كل حلم اتلف بشريطتين غلط
لو شفت ده
ملّس على عينيها ونشف دمعها وسيبها
ونام


..

جونيور

مش باكتب نص

مبخترعش جديد

كل الفكرة اني باشفّ

بانقل حاجات وبس!

يمكن بس بتبقى عاملة زي صاج الكحك

باساوي اطرافه واساويه

بس!

عندي قدرة على بروزة الوجع

وساعات الحُب

والقلق

غالباً بتبقى السلبيات في ايدي منديّة

باعرف أخليها تعيط قبل ماتطلع منتج يستفز مخزون العياط عند غيري

..

لما باحلم

باستغربني!

:)

مش أوت أوف كآبة!

بس يمكن صناعة الحزن أسهل؟

أو العائد أوقع!

يمكن مرض نفسي ؟

أو متعة تعذيب الغير معايا؟

ويمكن أصلاً بس الاحلام ماعادتش تجيب همّها

..

متهيألي

أظن..

في زمن ما كنت باحلم زي باقي خلق الله

زي خلق الله = البنات

بس بردو كانت أحلام مضروبة على وشها فمش واخدة راحتها أوي في الطققان

لا عايزة فارس

ولا ميل جيبسون/ أيام الشباب والعِز

عمري ما شفتني ولو في حلم أبيض وأسود

أم كبيرة في السن

أو زوجة بعد كام سنة كتير!

أقصى ما كنت باعرف أحفر بصوابعي وأوصلله

كان بيبقى مرحلة حب/ جواز جديد/ أول يوم شغل/ نجاح/ ماستر/…

عمري ما عرفت اشوفني بعد مرحلة البداية!

مابعرفش أدخل جوا!

حتى لما غصبت على نفسي ف يوم وقلت يبقالي حلم زي اصحابي!

كل يوم بيحكو عن حاجات نفسهم فيها

أو شافوا شبهها!

الله!

في متعة في مجرد الحكي عن دماغهم واللي فيها

في طعم طاير لحاجة حلوة فضلت على لسانهم!

طيب أجرب!

مسكت الإبرة والقماش وهاتك يا تأليف

واللي طلعت بيه؟

وماحدش يطالبني بأكتر منه عشان أنهكت خلاص وانا يا حبة قلبي بنيّة فـ سنة كام؟؟!

طيب..

حلمت انهاردة يا دينااا “وعينيا بتلمع”

ولد أسمر

وحكيت عنه

فاكرة اني قلت مش مهم ملامحه

المهم ايديه تكون واسعة!

وتاني وقت فـ زنقة التريقة التمام!

يا بنتي أحلامك معووجة!

طب كملي..

يعني يكون …. و …… و …..

صياد

أو مراكبي

أو بياع ياسمين وورد

واقعي يا احلام!

هو انا امتى عرفت احلم؟

مممممم

عشان كل كلمة كانت بتتضرب علة قفاها:

-يا نهار! وباباكي هيوافق!

:(

-طيب كملي..

عايزاه متدين

-ييييييييييييييييه..

وتقعدي في البيت؟ ويقولك مفيش ميكاب؟ ومفيش تليفزيون؟

:(

دماغين بيتكلموا

او دماغ وبَرَاح

انا كنت باتكلم بعينين باصين لمكان جيت منه وتهت

ماعرفتش أكمل!

عشان الحلم الأهبل في عينيهم ماينفعش يتحكي!

ده

زمان!

دلوقتي: !!

- رنون، أخبارك؟؟ “بنظرة أو عوجة وِش تقول معناة السؤال”

- :) طيب

وبيحبني

- عنده …….............؟؟

- مش عايزة غير بيت صغير “وفـ سري عجلة”

- بتحبيه أكيد! مجنونة!!

- (فـ سِرّي) مش عايزة أكتر من انه يشوفني بجد

لو شافني هيحب الهوا اللي حواليا

- يا ماما بطلي بقى! انتي مابتتعلميش!

:( “أقول ازاي ع الوردة الزرقا؟”

ع الأحلام اللي ضاق عليها الكلام

وكبرت

أصلا أنا اكتسبت مناعة ضد الكلام عنها!

طب ياللي فوق

عايزاه طيب// مش غلبان

عايزاه أكرم خلق الله

علشان مايحرّمش عليا الفرح

عايزاه بيحب..

طب ع الاقل يكون بيحب الزرع

“ورقة شجر نشفت اه.. بس يمكن لما تشوفه تبل ايديها بريقها وتصحى”

عايزاه ملخوم بيا

مش سيبتونا نشوف أفلام؟؟

أحماااااااد.. منىىىىى!

الله!

حبيبي دائماً

كله عك!؟

دلوقتي “كلهم وحشين؟” !

طب إيه!

مش ماتت على ايديه؟

ايه المانع يسأل كل شوية

ويقلق

ويجيلي الشغل فـ ايده بوكيه ورد كبييييير

او اجي انا الصبح الاقي مفاجأة !

ايه المانع يقوللي بحبك اوي في وسط الشارع

ويغنيلي

ويعيط عشاني

ايه المانع يضحّكني

وييحكيلي حدوتة “بجد” قبل ما انام

يخليني نور

ويشبّ عشان آجي عليه فيشوف أدامه

ليه مايتعبش عشان يقوللي قريب سوا؟

يعني يبقى كفه واسعة تشيل الحمل

وممكن أشرب منها
تأويل الحلم!

اه صح ده حلم!

ليه ينام؟

عايزاه صاحي علطول

مابيزعلش

ومابيزهقش

ومابيتعبش

قمة اللا انسانية مني ها؟

ههههههههه

بس مانا مش انسانة قلنا

وبلاش تريقة!

مش من هنا قلنا

من هناك!

فوووووق!

حيث فوق مش بني آدمين

بس هما يلاقوني!

عايزاه معجون بحنان

بس قوي!

يخرج يصطاد تمساح

فيكون صياد

يرجع يحضن صوتي التعبان ويقعّدني على السوفا

“في الكوخ”

ويحط ايديا على دماغه

ويطبطب أوي

يدخل عالكوخ صرصار “المشهد هنا كان كهف وليه معرفش”

فاصرخ

“مش هايفة.. بس ساعات باحتاج أدامه اخاف فيطمني”

يطلع من كفه كمان إعصار يقحت ف الخوف

يبدأ يحكيلي حكاية جديدة عن الوحشين

وعن الأمورة الهادية ونومها وخوفها ورقتها

فاتجنن!

واقوله عايزة افرقع صواريخ

فنأجر طيارة ورق مشدودة كويس

ونفرقع بمب وصواريخ

ونغني

ناكل

نزهق فنلم شوية فـ حبات رمل

وحجر وطوب شكله غريب

نخرج نشتري بويا “ألوان”

ونقرر ندهن كل البيت بالأبيض

ابيض خالص

آه

ونجيب عصافير

ممممممم

او نوع طير تاني يعيش من غير اقفاص يعني

وقطة

لازم يكون سوبر مان

جدع من بتوع هنا مش هناك

وقت الجد يتخانق

ويزعق للكل

مايسيبنيش احتاج اطلب منه مساعدة اساساً

زي الجنة!

مجرد ما افكر الاقيه بيعمل حاجة عشاني

أنانية بشدة!

مش هاتكلم ممكن اعمل عشانه ايه

مش هافكر

يمكن ماعملش!

بس هو يكون أجمل مني

وأحن

..

سبحان الله!

بردو الحلم مفيهوش لا مشاكل ولا عيال ولا غياب ولا غباء!

عمري قصيّر يمكن

أو حلمي جبان؟
وقفة:

انا لا رومانسية ولا مكتئبة ولا عبيطة!

ولا دي أحلامي كمان!

خالص!!

ولا هارضى برشدي أباظة من غير دماغ

أنا بس باعمل ريفرشمنت لـ جونيور رانيا
ولا أي حاجة تشوّه حلم كسيح

بروزته كالعادة عشان يبان مختلف يمكن!

يمكن انا نفسي مش مقتنعة انه جميل ؟

يمكن!

بس اختلافه كان بيعوّض اختلافي

الضحك على الكوخ القش كان بيزعجني!

والعجلة أم عجلتين لو حد قارنها بأي نوع عربيات !!

كنت..

بافضل مستنية أهلي بتوع فيلم سوبر مان // الجروب الطيب اللي فوق

عشان فاتوني هنا فتهت

بس أكيد هيلاقوني بقى

مش حصل كده في الفيلم

..

يمكن يتبع

نوع سيراميك الكوخ )

خَرَجَ ولم أعِ

كلُّ ذلكَ حدثَ في غفلةٍ

فجأةً ربما

أو تسللَ على امتدادِ سنواتٍ تتفرَّجُ عليَّ خلسةً !

صدِّقْني

هو

هو والله

هو الذي خرج!

لم أشعرْ بهِ تماماً

تسربَ ربما وأنا نائمة

شفتاي تواربان الهواءَ والانغلاق

خرج!

ربما تلصصَ عليّ

حَسَبَ جيدًا متى أندهشُ كثيراً

فلا أشعر بعضَّةِ النملِ في طَرَفِ إصبعي

و… خرج!

ممم..

ربما..

ربما فتَّتَ نفسه ليخرُجَ كَسْرَةً فأخرى

طابورٌ من الفتاتِ الصاخبِ كـ دُوارٍ

على غيرِ عادتِهِ يتوخَّى الحذر

لذلك..

أبتسمُ بلطفٍ

أُرْجِعُ رأسي على الحافةِ

بجانبٍ مستسلمٍ تمامًا

مستعد للقضمِ تحت أسنانِ المجزرةِ

لأنه

وبكل بساطةٍ

خرج!

كقطرةٍ نافرةٍ بعروقِ ذراعي النحيفِ

بكل سهولةٍ

كغزالةٍ جُنّتْ

فهاجتْ

هو تهيأَ في صورةٍ قابلةٍ لفتحِ أبوابِ جسدي بأكمله

تركَ البابَ متهدلاً خلفه

لم

يشعرْ

به

أحد

يا نااااااااااس

هل رأيتموه؟

يا نااااااااااس

أخبروه أنني أمشي على رؤوسِ عينيّ

ولا أشعر

هو

هو تركني ورحل يا ناس!

لم أعد أشعر

والبارحة طرقَ الدجالُ باب بيتي

قصمني قِسْمَين

عضضتُ أصابعي وأنا أوهمه بالوجع

فقط.. لأنني مللتُ !

لم أكن أشعر فعلاً!

خرج

خرج

خرج

..

BACk tO sChoOL

انهاردة حسيت بـ حاجة حلوة !!
طبعاً الناس يا عيني هيجيبهم هلع وانشكاح فـ الودان وتعب فـ القلب اللي فوق ده

ازاي نيجي هنا نلاقي حاجة "حلوة" يعني !




قووووم إيه بقى
كان عليّا اني أوضّح توء السفاهم البِشِع دَهوَّن





إذ ان
سبحان الله ولله الحمد وبقدرة قادر قدير

أعطاني العافية الكافية والحظ الوافر والسند الصالح "أوي" فـ


آه وحياة ألله!

انا ابتديت دراسة يا بشر
ابتديت يا نااااااس
هاموووووت اروح اجيب كشكولي الجديد دلوقتي :D
واشتري قلم أزرق بكرانيش وفراشات من فوق
وتيكيت

آه تيكيت





استلمت كام كتاب؟
كام كتاب؟
مممم..
حد بيتريأ ؟
هما كانوا كتير الحقيقة
بس "حد" وصلهمـ ـلي
وشلتهم بالسَبَت أنا
:D









وفي جرزززز للفسحة
جرز آه

افتكرت حاجات :))
الجلّاد اللي كنا نعرف الكلمة دي بمعنى واحد ليها بس
وكراسة ولا كشكول
وكشكول كام ورقة؟
والحصة الكام؟





الدوم
ودود القز
والبيبسي من الكانتيين !
طب مصروفك كام عشان تجيبي بيبسي وشيبسي سوا ؟
مصروفي؟
تحويشة البريزة عالبريزة عشان حاجة حلوة بجنيه ونص مثلا !
الحوش





حد مستطعم الكلمات دي؟؟؟
!!!!
وربنا العزيز ليها طعم !
أهه !!





ملحووووزة:
محدش يسأل يا ولاد يا حلوين
هنا بوست ليا
مش هاردّ غير على مبروك ومبسوطين ليكي والحاجات دي
بس
غلاسة !
ها







مممممم
طول عمري باطلع شاطرة
ومن الأوائل والحاجات دي :)))



ميس اشتياق :)
الهمزات ونقط التِه المربوطة اللي مش هتتنسي تاني :))
القُصة اللي تجنن !







يوم ما مطرت وانا رايحة المدرسة
وبـ روح بنوتة خايفة يفوتها اليوم مع انها ممكن جدا تروّح بيتهم فـ عز السيووووول
بس لأ!

تنزل بالجزمة والشراب فـ عز التللللج
جوا المية تعدّي الشارع لوحدها
وتوصل المية لتحت ركبتها بـ
كام سنتي؟؟
وتتدب دور برررررررررر







كان في كارثة مرعبة اسمها "الوشاح" حد يعرفه ؟
بتاع بيلبسه الأوائل كده طول الشهر لحد اللي بعدهم :))
كان قليل أسيبه !
يمكن النجاح وقتها والالتزام الشديد
سبّب حاجات غيرها بعدين









ماعلينا
:)
سبحان الله !
كانت



أيام حلوة والله
!!