خبر إكسكلوسيف جداااا
- حصرياً يعني للي مش عارف -
هاقول مبروك للإمبراطور سابقاً
والشاعر الصعيدي شحط محط
خالد عبـ ـقادر
قرب صدور ديوانه العامي المفتكس جداً
سيرة الأراجوز
أون ذي فيرست أوف أكتوبر
إن شاء الله
عن دار ملامح
ونقلاً عن الشاعر الكبير!!
" اوعى حد يقول لي نسختي و بتاع أنا نفسي مليش نسخ أصلاً "
!!!!
المهم..
تجدونه إن شاء الله بالأماكن التالية :
مكتبة سندباد - شارع الشريفين - خلف فندق كوزموبوليتان
مكتبة البلد - أمام المدخل الرئيسى للجامعة الأمريكية
مكتبة عمر بوك ستور - 15 ش طلعت حرب أعلى مطعم فلفله
مكتبة مدبولى - ميدان طلعت حرب
مكتبة سينشرى روز اليوسف - شارع القصر العينى
مكتبة أفاق - أمام دار الحكمة - شارع القصر العينى
مكتبة العربى - بجوار صيدلية العزبى - شارع القصر العينى
مكتبات دار الشروق
مكتبة ديوان - شارع 26 يوليو - الزمالك
مكتبة أينشتين - شارع المنصور محمد
لوكير - شارع حسن صبرى
بانزروتى - شارع المنصور محمد
مكتبة كتب خان المعادي
أينشتين المعادى - المهندسين
مكتبة مدبولى الصغير - سور نادى الزمالك
مكتبة مدبولى - شارع البطل أحمد عبد العزيز - بجوار بيتزا هت
مكتبة الماستر - طريق مصر أسكندرية الصحراوى
------------------------------------
حارة سد
.................. لـ ـخالد
و انتهيت
أنا ندهة الغربة ف صوتِك
لما غربني نداكي
و تهت ف الزحمة و بكيت
أنا حارة سد
و بيت ما عمره سِكْنه حد
شباك و مقفول ع اللي جوا
و اتكسى بالعنكبوت....
ليه يا مدينة تكسري ضحكة ولد
جالِك فراشة شدها النور و الدفا
ملقاش مكان حتى لخطوة توصله
لعيون حبيبة
واللي قالته ..نِسِيت
إيديه و ف جيوبه تطبطب ع الورق
ع الشِعر و الليل و السكوت
نازف على كل الشوارع أسئلة
قلبه طري..كَلِته السكك
و يقوم..يُقع
و يقول مدد..
ما يرد حد
و لا حتى مرة
بسملة
بسملة
بيجاوبه صوت....
هي النواصي فرقت
كل الولاد السهرانين..
راحوا البيوت
مفضلش منهم إلا انا
مَتْكِي على صدري و بموت
و الليل تابوت..
فينه الولد
ابو العيون الطيبة
مقدرش أقول أكتر عشان
مجرحش دمعة قريبة
.. مبروك يا خالد ويجعله بداية خير
10 comments:
هأشتريه و ربنا يعوض عليا في الخمستاشر جنيه
رانيا ... ياااااااه .. حمد الله ع السلامة .. وسلامات .. وطيبون .. وازاي الصحة .. وازاي الحال .. وكتير من ده يعني
عود أحمد يا ستنا
آه .. لما تروحي المرة الجايه ابقي تعالي بسرعة .. متعوقيش
عودا حميدا
مبروك لخالد
وقوليله ان القصيدة دى كويسة جدااااااااا
ماتغيبيش تانى كتير
أة وهو صحيح بخمستاشر زى ماقال مادو
بس جميل
قوليلة مبروك
مادو..
"انت" هتشتريه
(سمايلي بيقولك وانا مالي انا باعلن بس)
..
وليد..
انا هناااااااا اهووووو
الحمد لله على كل شيء يا افندم
والله يا وليد انا مش باتقصد أغيب :(
الغياب اللي بيحب يزورني ساعاات
دعواتك..
أسماء..
الله يبارك فيكي يا قمر
بس تعرفي..
باحس كلامك بصيغة الأمر كده
(سمايلي بيهزر معاكي) !!
ربك ييسر ومانشوفش غياب
..
فاوست
ألله يبارك فيك يارب
أقوله يحجز يعني؟؟ هتشتري؟
"تدبيس" اه
مودة
..
انتى ايه ده؟؟ ايه الرقة والعذوبة دى .. طب مستحملة نفسك وانتى لذيذة قوى وعسل كده؟؟ تحياتى
moony..
سوري يا جميلة
ماخدتش بالي من ها التعليق غير دلوقتي
احم..
اعتبره مدح بجد يعني؟؟
(سمايلي مكسوف خالص)
بس فين ده بس!!
منوراني يا قمر
لا تغيبي!
Post a Comment