Saturday, May 3, 2008

محروقة عينُه


قلَّّك تعبت
رديت وقلتِ الدنيا غُلب

إياك نِسيتْ قولَكْ زمان

الدنيا ساتِر حايش الراحه لـ هناك

قلّك وملِّيت مِ الغَبا

قالْ تمضُغُه وتبلع

هتِقوَى
قال كلّ حيّ عليه يقعْ قَبْلِـ ـنْ يقوم

قال قلبي مِتخيّط بِـ شَرّ
قلـَّك تفك الخيط بإبرةْ خير تداوي
وتجرح الجلد المحوّش جوا منه الدم لَـ صْفَر

مِدَّه وشرور راح تنطفي

وعيون بتفلق 100 حجر
راح تنشطرْ جواك بشاير
تنفتح جواك قيود

قال والوقوع؟
قلـَّكْ تَمسّك بالتي أقوَم وعود
ربك عليم بيك
فاصطبر


قال بحر أهوج رامي مُوجُه المِلتوي

قلـَك سَماك أوسع غطا تغطّي العيوب

ربك بيستر رغم علمه بالدواخل

فتناوَل الرحمة بكفوفك

إشرب،

تعافى وارتوي



يارب تبت من الشيطان

صابتني طفرةْ ذنب غيره

هيّ أنا
ساعدني اتوب مني وغبايا
لملمت زحف العين
وقفتْ
إدّيتني ع الخدّين قلم حزن وسكوت
يمكن أفوق
علِّمت عالقلب المزيِّن بالتكبر

قلتله:

اتواضِع

إياك
تصطبر

ع الكِبر
حاسب

ينتصر
قلبك لئيم



يا حيّ..

جاوب ع النِدا

ميّت بيرفع صوته لجلن يستجير

فاني ومالهوش غير يعاود رفع إيده

يقيس دراعه

طال لفين

مجنون بيستنى العفوّ يقول صفحتْ

- بس العفوّ برغم ذلك راح يعين-

يا من سؤاله يردّ بيه الحِمل

يصبحـ له طريق

قال يا الطريق كون مستقيم

مش حِمل تعريج في المدى

جوّايا معووج غصب عني ومنكِسر

فافتحـ لي سدّ من المعارف

ذنبي..

في قلة نظرتي

نفسي فـ بصيرةْ قلب كانِن بالإيمان

محروقة عينَك من جحيم شوف البصيرة

فانطوي

وفكّر على مهلك بعيد

34 comments:

مهـــا يك said...

رانيــــا

حالات الكتابة لا تنتهى
الإبداع لا ينتهى إلا بوصول المبدع لحالة دعينى أسميها
100%إحساس واحد
و هى حالة مستحيل الوصول ليها عمليا
!!أنا حاسة انى باتكلم رياضيات
المهم
قصدى يعنى
قصدى ان حالات الكتابة لا تنتهى
إلا فى حالات محددة جدا لا أجدك فى أى منها
بل أراك عند منبع النهر
لا أدرى ما يمنع جذورك عن الامتداد فى اتجاه المجرى الصافى
و الاستمرار فى الامتداد
و الشرب حتى الرواء

و أجزم بأن ما يمنعها مجرد حصاة صغيرة صلدة تقف فى طريق تلك الجذور

و أجزم بأنها حالة شرود
حول الحصاة


قطرة من روحـى
(ان كان لها أن تسيل قطرات)

مهــا said...

ايه ده
قلت كل ده ونسيت اقول

هذا النص
مختلف

هل من النصوص من هم دراويش؟
هذا النص من الدراويش
.
.
.
ماتركزيش قوى معايا
;)

إنفيزابل said...

ال جديد يا رانيا إنى المرادى حاسس بإختلاف كبير

ال مش جديد إنى كالعاده حاسس الحروف قوى

رانيا

والله لسه فيه أروع وأجمل من كده.

وإحنا فى الإنتظار.

الديوان بقا يا رانيا بالله عليكى.

mohamed kamal hassan said...

أنا علقت على تعليقك على تدونتى القديمة
حبيت أقولك بس
وان شاء الله ليا عودة أعلق فيها على مدونتك لو تسمحيلى

شكرًا
((:

محمد عز الدين said...

حقيقي
القصيدة دي
على عكس المعتاد
لما قرتها حسيت بيها أكتر
على فكرة تعليقي أكيد ها يتغير
عن اللي قلته في الساقية
وعلى لقاء

تحياتي

حمامة said...

يارب تبت من الشيطان

صابتني طفرةْ ذنب غيره

هيّ أنا
ساعدني اتوب مني وغبايا
لملمت زحف العين
وقفتْ
إدّيتني ع الخدّين قلم حزن وسكوت
يمكن أفوق
علِّمت عالقلب المزيِّن بالتكبر

قلتله:

اتواضِع

إياك
تصطبر

ع الكِبر
حاسب

ينتصر
قلبك لئيم

جميييييييييلة

مكنتش عارفه اقتبس ايه ولا ايه
بس بجد حلوة جدااااااا
تسلم ايديكِ يا فنانة :)

إسلام هجرس said...

الله ينور عليكي يا رانيا
جميلة اللهجة الشعبية هنا
أول مرة أسمعلك حاجة باللهجة دي
...
وطبعا الجو النفسي ماشي مع الصورة
وفيه نزعة صراخ هنا
او ممكن نقول وعظية ومباشرة
بس مش غالبة
....
أسعد بالقراءة ليكي دايما

إبـراهيم ... معـايــا said...

يا حيّ..

جاوب ع النِدا

ميّت بيرفع صوته لجلن يستجير

فاني ومالهوش غير لو يعاود رفع إيده

يقيس دراعه

طال لفين

مجنون بيستنى العفوّ يقول صفحتْ

- بس العفوّ برغم ذلك راح يعين-

يا من سؤاله يردّ بيه الحِمل

يصبحـ له طريق

**************
الله يا رااانيـــا

أيتها القلب الشـاعر ... حقيقي حقيقي حلوووة قوووي

بإمكان المرء أن يعود سريعًا بعد كل زلة عندما يقرأ تلك ...
يخرج من قلبك فينفذ إلى قلوبنا تمامًا ....
دمتِ بهذه الشفافية

رانيا منصور said...

مها..
لا أدري يا صديقتي

جايز انتي صح
ده الرد الأول
:D


التاني:
فاهمة اوي تعبيرك ده
وعاجبني جدا

هي كانت الحالة دي
صوح اكده

منورة الحال والدرويش وصاحبته
.

Anonymous said...

احببت دعوتك إلى هنا

http://www.e7twa.com/vb/index.php

رانيا منصور said...

انفيزابل بيك

من كتير لا تعليق ولا حلو ولا وحش
"سمايلي بشومة

تكرم ع المرور بردو
ودعواتك

لو فيها خير تكون :)

رانيا منصور said...

محمد كمال بيك :)
يا مراحب

كويس انك نبهت فعلاً
كنت شبه متأكدة ان التعليق ع التدوينات القديمة مابيتلاحظش

كتر خيرك يا افندم

مستنية تعليقات أخرى
مكثفة وفـ الجون :)

نوّرت
..

رانيا منصور said...

عز..

مممممم
غريبة دي عن جد
أول مرة تحصل معايا كمان

بس زينة يعني
كويس انها لاقت إعجاب سيادتك ولو بعد حبة كتار :)

نورتني
..

رانيا منصور said...

حمامة الجنّة
..

تعرفي زيارتك فيها حاجة طيّبة
شو هي؟؟
مش عارفة

بس بتفرحني
كوني بـ خير
..

رانيا منصور said...

إسلام العزيز صدقاً

الوعظ كلمة تخضّ أحياناً
بس ريحني انها زي ما بتقول
مش غالبة

ساعات بنحتاج حد يصرخ في وشنا
عموماً انا ماعملتهاش وعظية كما قد تُرى بقصدية

بالعكس

بس اختلاف التأويلات جميل ومبهج أكتر


كون بخير
..

رانيا منصور said...

ابراهيم الجميل

طيب مرورك بشكل !
بيشدّ البسمة على وِش الواحد بشكل غريب يا أخي

دمت كده بقى وخلاص
:))

"بجد" سعيدة

مروة ابوضيف said...

الللللللللللللللللللللللللللللللله
تحفة يا رانيا رائعة عن جد
يا بنتي خليكي في العامية و نزلي ديوانك بقي
هاااايلة

ebrahem aladawy said...

هل تتكرم صاحبة الوردة الزرقاء بزيارة مدونتي المتواضعة ووضع لمساتها عليها
http://kanyatklam.blogspot.com/
تحيتي

MoHaMeD - AmEeN - Al.MaSrY said...

ابداع خااااااااااالص
لك تحية

MoHaMeD - AmEeN - Al.MaSrY said...

ابداع خااااااااااالص
لك تحية

darsh said...
This comment has been removed by the author.
darsh said...

حلوة قوي القصيدة

من كتر حلاوتها نسيت اقول لك اني اول مره ادخل هنا ..بس اعتقد اني سمعتك قبل كده في الساقية

بس فعلا شكل الكتابة مختلف وجديد والروح اللي فيه حلوه جدا

مصطفى حسان

أحمد سلامــة said...

حالة لوم وعتب جميلة
ما اجمل الحوار التبادلي القصير
القراية متهونة كتير مع التشكيل
تسلم يدك
مليش في حكايات القص بس مجبر فعلا اقول على دي :

ذنبي ،
في قلة نظرتي

جمييييلة لحد غير محدود

عـمـرو قـطامـش said...

جميله جدا يا رانيا
احييكى بشده

كرانيش said...

رووونى

ازيك يا بنوته ياللى مبترنيش ابدا
صاحبتك نهى اتعدت منك شكلها
...

جميل اللون ده على فكره
ماشيه فيه تمام جدا
الاجمل بقه
ان النوع ده من الشعر مبيجيش بالزق
يعنى ايه؟
يعنى لازم يبقى فى احساس طاغى وحاله لبساكى عشان تقولى ده
فهمانه عليّه؟؟؟
اكيد فهمانه

كرانيش said...
This comment has been removed by the author.
رانيا منصور said...

مروة يااااااااا إجرام !!
سمايلي نفسه يعضّك !!
انتي فين!
كلمتك الف وميتـ مرّة !

وحشاني كتير
أد الدنيا
..

رانيا منصور said...

ابراهيم العدوي
..

يشرفنا يا افندم
ومرورك كمان يسعدنا وينور المكان واصحابه

مودة،،

رانيا منصور said...

محمد أمين المصري
..

ولك رد التحية بأضعافها لمرور يطيب
شكراً لودّك

مر دائماً :)
..

رانيا منصور said...

مصطفى..

ممممم.. بنروحو الساقية آه، جايز

عموما المرور الأول يسعدني عن جد
والمرور المتكرر يسعدنا أكتر

ألف شكر،،

رانيا منصور said...

أحمد سلامة

لحد
غير محدود !
يا خبر ابيض :)

عن جد عن جد فرحت بالتعليق
شكراً لبسمة فرْح

وسيبك م القص واللزق
المهم تمر ويعجبك الحديت يا افندم
ألف شكر..

رانيا منصور said...

عمرو قطامش..

والله الأجمل هو الإحساس بيها
وأجمل من الأجمل
فرحتي أنا !

تشكر،،

رانيا منصور said...

كرانيشي

لكي وَحشة يا بنت والله
انتي وعين أوي ورب العزة

ماتيجو حبة حدانا بقى!
..

عارفة،
نشنتني يا بنوتة
ما بتجيش لو جد الجد
"كانت" جد
وحبيتها وانا فيها
مش مهم الشِعر

فهمانة؟؟

بوسيلي نفسك
وأسما
..

عين ضيقة said...

مش ممكن يارانيا

انتى فين بس؟

طمنينى عليكى طيب