Monday, October 20, 2008

BACk tO sChoOL






انهاردة حسيت بـ حاجة حلوة !!
طبعاً الناس يا عيني هيجيبهم هلع وانشكاح فـ الودان وتعب فـ القلب اللي فوق ده

ازاي نيجي هنا نلاقي حاجة "حلوة" يعني !




قووووم إيه بقى
كان عليّا اني أوضّح توء السفاهم البِشِع دَهوَّن





إذ ان
سبحان الله ولله الحمد وبقدرة قادر قدير

أعطاني العافية الكافية والحظ الوافر والسند الصالح "أوي" فـ


آه وحياة ألله!

انا ابتديت دراسة يا بشر
ابتديت يا نااااااس
هاموووووت اروح اجيب كشكولي الجديد دلوقتي
:D
واشتري قلم أزرق بكرانيش وفراشات من فوق
وتيكيت

آه تيكيت





استلمت كام كتاب؟
كام كتاب؟
مممم..
حد بيتريأ ؟
هما كانوا كتير الحقيقة
بس "حد" وصلهمـ ـلي
وشلتهم بالسَبَت أنا
:D









وفي جرزززز للفسحة
جرز آه




افتكرت حاجات :))
الجلّاد اللي كنا نعرف الكلمة دي بمعنى واحد ليها بس
وكراسة ولا كشكول
وكشكول كام ورقة؟
والحصة الكام؟





الدوم
ودود القز
والبيبسي من الكانتيين !
طب مصروفك كام عشان تجيبي بيبسي وشيبسي سوا ؟
مصروفي؟
تحويشة البريزة عالبريزة عشان حاجة حلوة بجنيه ونص مثلا !
الحوش





حد مستطعم الكلمات دي؟؟؟
!!!!
وربنا العزيز ليها طعم !
أهه !!





ملحووووزة:
محدش يسأل يا ولاد يا حلوين
هنا بوست ليا
مش هاردّ غير على مبروك ومبسوطين ليكي والحاجات دي
بس
غلاسة !
ها







مممممم
طول عمري باطلع شاطرة
ومن الأوائل والحاجات دي :)))



ميس اشتياق :)
الهمزات ونقط التِه المربوطة اللي مش هتتنسي تاني :))
القُصة اللي تجنن !







يوم ما مطرت وانا رايحة المدرسة
وبـ روح بنوتة خايفة يفوتها اليوم مع انها ممكن جدا تروّح بيتهم فـ عز السيووووول
بس لأ!

تنزل بالجزمة والشراب فـ عز التللللج
جوا المية تعدّي الشارع لوحدها
وتوصل المية لتحت ركبتها بـ
كام سنتي؟؟
وتتدب دور برررررررررر







كان في كارثة مرعبة اسمها "الوشاح" حد يعرفه ؟
بتاع بيلبسه الأوائل كده طول الشهر لحد اللي بعدهم :))
كان قليل أسيبه !
يمكن النجاح وقتها والالتزام الشديد
سبّب حاجات غيرها بعدين









ماعلينا
:)
سبحان الله !
كانت



أيام حلوة والله
!!




20 comments:

آيــة said...

أيام حلوة ..!!!

حلوة بس ؟؟!!!

دي حلوة اوي ... اوي .. اوي و الله

و السندوتشات ...
معاكي سندوتشات ايه النهاردة ..
طب نبدل ...
تاخدي مني جبنة بالطماطم و آخد منك مربى...

لا لا .. مبحبش مربى المشمش

و الاستيكة اللي بتضيع و متكملش يومين على بعض
أو تخلص ...
انتي بتاكلي الاستيييييييييكة ؟
دي ماما لما تزعقلي عليها

و القلم الرصاص اللي سنه لااااااااازم يتقصف و انا بعمل الواجب مليون مرة .. و نفضل نبري لحد ما تخلص روحنا معاه ...


حصص التطبيق في العربي ... يع
و الاملاء ... ربنا يستر

:)
:)

يارب يبقى في في العمر ايام أحلى م اللي فاتت .. يارب

تحياتي لحاجتك الحلوة ... اوي
:)

Muhammad Afifi said...

جميلة أوى النوت يا رانية

بجد جميلة أوى بجد

كلها بكل ذكريات الطفولة على ذكريات يوم الباك تو سكول المرة دى :)

ربنا يسعد قلبك يارب علطول ويبارك فيك

تصدقى بالله, كنت هكتب نوت زى دى تدوينة زى دى بس سبقتينى :)


أشوفك طيبة
كونى بخير

ست الحسن said...

ماشي يا ستي

مدرسة مدرسة
بس هتمتحني وكدة
وياترى بعد 3 حصص بردو

المهم بقى ان الشهادة تيجي أول كل شهر من غير كحك ولو ضروري يعني مشيها بتيفور

خلي بالك
أنا هتابع درجاتك أول بأول
وانا شريرة أوي في الحاجات دي

يعني تنقصي نص درجة
معناها هحرمك من المسلسل العربي لمدة 3 حلقات
تنقصي درجة هنقص سندوتش

تنقصي أكتر من كده
هقعدك تتفرجي على مسلسل نور إجباري

وانت حرة بقى

Muhammad Afifi said...

لا ,, رانية مش محتاجة ترهيب, عشان تذاكر

هى بتذاكر عشان المذاكرة حلوة وهى بتحبها


وعشان بتحب تتفوق, مش عشان حد بيدفعها لكدة, عشان هى بتحبه بس :)


ألف مبروك يا رونة على الدراسة, وربنا يوفقـ(ـك/ـنا) يارب

إبـراهيم ... said...

على باب مدرستي واقف ..
وأنا مستني الطابور
خـايف لتعطلوني .. واتأخر ع الحضور
.....
شايل شنطة ف كتـافي .. رايح مشوار خرافي
ولا كنت أعرف هداوة .. وكنت أرسى ف مكان
شقاااوة
.
.
شقاااوة

مشتاق شغل الشقاوة... واللعب بتاع زمان
بتشاقى ف كل لحظة ، بتفطرني بزمان
فكرتيني طبعًا بدي ، وبحاجات حلوة يااامااا
ليه أوقات نحس إننا مش عارفين نفتكر طفولتنا خالص خالص، ومرة واحدة تيجي فكرة تفكرنا بحاجات كثييييير

واحشاني برضووو

Anonymous said...

و الله مانا فاهمة حاجة
:)))
بس انت فكرتينى بأيام
....
مش ممكن تتكرر

حضرتى بعضها

عفرتة و شيطنة
و جرى و تنطيط
و جرانيتا
و لبان سحرى

و بوزو
!!!!

هاهاهاهاهاهاى

و المريلة و القميص و الكرافتة

و البرد الصبح

ماعرفش كان زمان غير دلوقت ماعرفش ازاى

ايام
جميـــــــــــــلة

...

احمد الشاعر said...

كانت هوايتي أحضر الطابور علشان تحية العلم وبعدها على البيت أو المرسم...لدرجة أن في يوم المرسم كان مقفول فرحت أوضة التدبير المنزلي مع أصحابي البنات ...وقررنا نعمل عجة مينفعش بني آدم ياكلها


كانت مها تذيع مقدمة الإذاعة وأنا معجب كالعادة..الوحيده اللي كانت بتقول كلام غير اللي مجهزينه..وأنا معجب وبس


في حصة الرياضيات بكل تركيزي سعات أوصل قبل محمد عند أستاذ عبد النبي وأكون أول من خلص حل التقويم...في الآخر أتساوى أنا وهو لما في آخر التيرم نعد كام نجمه وعشره من عشره في كشكول كل واحد

لكي أرق تحياتي ... للبوست كل التقدير

رانيا منصور said...

آية..

بذمتك كنتو بتبدلوا الساندوتشات؟
أمال انا باتحايل ع العيال ياخدوها حلالا بلالا لييييييه؟
ماكنتش باكل غالبا يا بنتي اصلا

ولو ماعرفتش اتصرف فيهم
إحم.. ماعلينا ايه الفضايح دي !


انا كنت باموووت ف الاملا بقى :)))
حلوة الخرابيش اللي سبتيها دي :)

رانيا منصور said...

محمد بيك..

هو انا عملت كوكتيل مع يوم باك تو سكول بجد؟؟
انت شايف كده؟!

ممممم.. ماخبراش :))

كان حلو اليوم ده اوي يا محمد
فيه بشرة خير
بشرة فرْح تقدر تقول :)

إزيك؟؟
:))))

رانيا منصور said...

غااااااااادة

هههههههههههههههههههه
مسلسل نور؟؟؟

ليه كده يا ظالمة؟؟

ثم انا شطورة لوحدي

عارفة..
كان زمان بابا وماما يخلونا ندخل ننام بدري بالعافية
غصب واقتدار :( عشان المدرسة
بس كنا نفضل رايحين جايين نتفرج على لقطة من اي تمثيلية بردو
هههههههه


الله يسعدك يا دودو يارب

هدى said...

عايزة اكتب تعليق ومش عارفة

استمتعت بالبوست وبكل التعليقات

كل حاجة فيها روح حلوة هنا

تفتكري ليه؟

..

مبروك عليكي المدرسة

Muhammad Afifi said...

رانية ,,بخير طول ما انتِ بخير :))))))))))))

Ahmed Othman said...

تصدقي
جرز الفسحة بتاعك
رجعني سنين لورا
مش عارف هو انا اللي كنت مكلكع و لا ايه
ما كنتش بحب الاجازة
و أحلى حاجة
ريحة الهوا الصبح و انا رايح المدرسة



تصدقي
ازاي ما كنتش واجد بالي
هي فعلا جرز

رانيا منصور said...

هدهوووود

شفتي مين كنسل ميعادنا بردو يا بطة؟؟
لينا يووووم

أنا كمان استمتعت :))

رانيا منصور said...

محمد..

.........
....


بس
..

:)

رانيا منصور said...

د.أحمد عثمان

هو جرزز طبعا !
:))

تفتكر كان هيبقى بنفس الطعم اللي الواحد هيحسه ده
لو كان جرس؟؟

:) مظنش
تمام؟

Ahmed Othman said...

فعلا
أكيد لأ

رانيا منصور said...

ابراهيم
لأ.. أستااااااااذ ابراهيم :))) مش صح؟؟


فكرتني بحتة فترة زمنية !
البرنامج ده كنت بحبه اوي


في نوعية أغاني أو كلمات/ قصايد/ مشاهد
ليها طابع معين كده

بتخليك وقت ما تسمعها فيك لسعة !
بجد !
في حاجات بتاخد عندي الميزة دي

كان في مرة من ييجي 8 سنين مثلا اغنية لعمرو دياب على غير العادة
كنت كل ما اسمعها اتكهرب واحس احساس شديد

وكان في فيلم لفاتن حمامة

وكان في الأغنية بتاعة البرنامج ده

مشتاق شغل الشقاوة واللعب بتاع زمان
!!

يا الله

الله يجازيك !

رانيا منصور said...

مهاااا

آه يا بنتي صح !
مش فعلا برد زمان غير ؟؟

كان في برد والله يا اخوانا أول السنة

ماكانش حَر أبداً
..


فاكرة اللوليتا طيب؟
والمصاصة النينجا الحمرا عشان شفايفنا تحمرّ !



سبحان الله ! :))

رانيا منصور said...

أحمد الشاعر..

عممممري ما حسيت اني شاركت فـ حاجة ليها علاقة بـ التدبير المنزلي :)
أصلا عمر ما الميسات بتوعنا خلونا نحط إيدنا فـ حاجة :(

فاتعلمنا علاااام !!

..
:))