Sunday, August 26, 2007

أبيض

آه
كنت محتاجة مساحة أبيض

قلبت المدونة
رأساً على كل حاجة

بلاش صور

ولا ورد

ولا حاجة غير أبيض
يحسسني اني قُرب ربنا وبس

وشوية أزرق خفيــــــــــف


كنت محتاجة أبيض أتنفسه

هفففففففففففففففففففففف
وأنفخ جااااااااااااااااامد كل حاجة جوا

كنت عايزة كمان أكتب بخَطّي هنا

مش بخط الكيبورد


كنت عايزة أشوفني أوضح
ف وسط بيااااااض


آه
أبيض
يعني سحاب/ مطر/ هدوء/ نقاء/ جَنّة
نِفسي أوي ف الجنة

هنا محسسني بجنة دلوقتي

شهييييييييييييييييييييييييييق
هفففففففففففففففففففففففففففففففففففف

و..
"الحمد لله"

31 comments:

وليد خطاب said...

جمال .. طيبة .. عدل .. حرية .. صفاء ..راحة .. نشوة ..دموع .. بسمة .. لمسة .. ايمان ..أثير .. فراغ ..وصل .. بوح ..صمت ..أبيض


الله

محمد عبدالحي بتاع بيطري said...

على قد ما القصيدة صغننة و تبان أنك كاتبة على راحتك خالص و مش حاطة في دماغك , بس بجد القصيدة جامدة و معبرة و فعلا غيرتلي حالتي للأحسن

متشكرين .. بس أبقي كبري الخط حبة علشان نشوف نقرا

سلام

هدى said...

وانا عايزة المساحة دي


قوووووي

محمد العدوي said...

ابيض يعني مهلبية


:D

علشان كدة بحب أيام الضباب الكثيف لما تتمسح الدنيا كلها ولا ترى منها إلا البياض ..


جميل

رضوى داود said...

انا كمان الفكرة عجبتني قوى

دخلت امبارح مرتين ابص على الصورة

اللي انتي كاتبه عليها زهرة زرقاء

حتي كنت عايزة اعلق على القصيدة بس مش عارفه ببص على الخط الازرق اللي في وسط البياض و اخرج
و ادخل ابص تاني و اخرج

مش عارفه
.
.
.
النهارده و انا راجعه البيت فضلت طول الطريق ابص للقمر و حسيته ابيض البياض اللي بتتكلمي عنه
اكتر مرة ابص فيها للقمر و احس انه حلو قوى مش عارفه ليه

بس ممكن اللون الابيض على خلفيه كحلى كان عاجبني قوى لدرجه ان جاتلي فكرة مجنونه اني انزل في نص الطريق و اقعد اتفرج على القمر و اتنفس الهوا البارد


ايه الرغي ده
معلش صدعتك
تحياتي

vetrinary said...

عاوز اقلك ان الاغنيه جميله اوى

وعلى فكرة خطك حلو

دينا فهمي said...

مفيش أحلى من اللون الأبيض
ربنا يجعل حياتك بيضاء يشوبها بعض الالوان اللي بتحبيها بس

غادة الكاميليا said...

نفسي أعيش نفس الاحساس بس واضح إنه بقى بعيد أوى عنى يا رانيا ومايبقى غير التوهه والوجع سوري على الكلام الرخم ده بس نفسي أعيش إحساسك بجد

عالمى ازرق said...
This comment has been removed by the author.
عالمى ازرق said...

كده اجمل ... ويشبهك اكتر
كتب الله لكِ الجنه

رانيا منصور said...

وليد..

اه اه اه

هو كل كل ده ..
كل ده جداً

ربنا يكتب لنا جميعاً جنة دنيا وآخرة كريم..

رانيا منصور said...

محمد عبد الحي..

والله يا افندم انا فعلاً ماحطيت ف بالي اي حاجة
هي حالة ملل وزهق ورغبة ف...

ف كل اللي قلته ف البوست :)

وكبرنا الخط يا دوك

شاكرين المرور الجميل..

رانيا منصور said...

هدىىىىىىىىىى..

تعالي أقعدي جنبي يا قمر
(سمايلي بيغمز)

رانيا منصور said...

محمد العدوي..

ما أجمل المهلبية الايام دي بالذت بمعناها المباشر والإسقاطي كمان :)

جميل الأبيض فعلاً
ماكنتش مدركة ده!

زيارة تجر النور
مودة

رانيا منصور said...

عارفة يا أميرة..

كلمتينك فرحوني أوي
حسستيني ان ممكن الكلام يفرّح حد
زي ما الكلام بيقتل ساعات :)

وتعرفي كمان
تعالي كتير بصي هنا
انا بقيت اعمل كده
افتح من الشغل مع اني مبعرفش افتح التعليقات ولا اكتب اي حاجة
ابص بصة وهففففففف
بس خلاص!

فرحتيني!

momken said...

تهارو ابيض ان شاء الله



تحياتى

عنتر بن غلبان said...

بياضك سكر زيادة
وزرقة من روح البحر
.
.
.
.
.
عقبالنا ما نتغسل كده


بوركت

نهى جمال said...

هوا أنا أغيب كام يوم

أرجع ألاقي اوبداعاتي اتقلبت

طويب لما أشوفك هجتلك كده وكده

المهم

الأبيض والبحر والندى
وصوت الكروان طبعا

اكثر الاشياء بتديني إحساس بالأمل وساعات بتديني إحساس بالصمت الصارخ
بس بيبقى حلو لأنه برده هادئ

والهدوء بيكون أحسن حالة للوصول
من رايي يعني

ماقلكيش
مافيش أحلى من حياة
بطعم الندى ولون البحر وأمل الموج

وياسلام نخل بيدور بينه الكروان

عيشه
بس مستحيلة

ووحشتيني أوي على فكرة

اشوفك بالليل علشان داخلة اتخمد بعد السفر

عين ضيقة said...

أبيض؟

ربنا ينولك الجنة يارب

دا بجد

اسكندراني في الغربة said...

ابيض بلون حبة سكَّرٍ واحدة



تستهليها

رانيا منصور said...

Vetrinary

الأغنية بحبها جدااااا

على فكرة خطي فعلا مش وحش
بس كنت قاصداه يكون خطوط كده

فرْح لمرورك يا افندم :)

رانيا منصور said...

امرأة تقول الذي لا يقال

كنت عايزة اختصر واقول يا "فلانة" بس معرفتش!

تعرفي
الابيض ولو كان في لون بالنسبة لكل حد فينا اساسي ومهم
لكن بيفضل هو السكينة والراحة
الجنة يعني

فرحانة لوجودك يا جميلة

رانيا منصور said...

غادة !

تعرفي الإحساس ده
ممكن ييجي بدرجات مختلفة وطرق كتير
زي فسحة
فرحة
حب
بس عمره ما بيطول غير بقرب من ربنا
قولي يارب جامد :)
وابتسمي ف لحظتها ولو ف قلبك كل هموم الدنيا
هتلاقي الأقوى منك شايل عنك
ولما تقعي تاني
هتلاقي بتقومي بسرعة
قولي يارب
ولونيها ابيض هتشوفيها كده
ربنا يسعد قلبك
آه
تعالي هون كتير

رانيا منصور said...

جارتييييي
عارفة نفسك صح؟؟

ويجمعني بيكي هناك يا الجميلة

رانيا منصور said...

momken

يارب يكون يومنا
لأ
عمونا كله أبيض

مودة

رانيا منصور said...

عنتر بيك بن غلبان

الأبيض أبيض
تأثيره ع الكل واحد
إديها انت بس فرصة وهي نبيضّ

قول يارب

مودة جداً

رانيا منصور said...

نهى قلبي

انتي عارفة لما كنتي غايبة
الابيض كان مغيم

ده بجد !

وحشتيني أوي

رانيا منصور said...

عين ضيقة..

ويجمعنا فيها يارب يارب يارب
قولي يارب

ده جد الجد يا جميلة

رانيا منصور said...

اسكندراني


يارب يسمع منك
وأكون استاهلها


الأبيض
السكر
الجنة


مودة..

باسم المليجي said...

المدونة بقى شكلها رائع فعلا ومريح للنفس
أنا بحب الأزرق وفكرة زهرة زرقاء كانت عاجباني، بس مشكلة الأزرق إنه لون حساس قوي يعني ممكن يكون لون بارد أو حزين أو منعش حسب الاستخدام. أعتقد إن لون الوردة اللي كنت مستخدمها في الأول كانت غامقة شويتين ومدية شكل كئيب للمدونة
أما الزهرة الزرقا فهي الزهرة النادرة اللي مش موجودة، هما وصولولها بالتهجين بس في الأصل بتعتبر حاجة مميزة فعشان كده كان اسم المدونة عاجبني من الأول
بحييك تاني على النيولوك وعلى المقطوعة

رانيا منصور said...

باسم..

سعيدة جدا بمرورك وتعليقك
أنا متابعة اخبار الوردة الزرقا فعلا من فترة

مش هاقول هوس بس اقدر اقولك اني لحد فترة قريبة قلت بمجرد ما الاقيها بس هـ .. بس اكتشفت انها لا تقطن الأرض وانها (الارض) لا تضم غير العديين !! أحبطت ! وقلت الجنة جاية ان شاء الله

عندك حق بخصوص درجات اللون بس عموما الروح هي اللي بتختار ما يريحها .. ومع >لك ماضمنش ف المدونة غير اسمها ممكن ف يوم اخلبها لبني مثلا او تركواز

الجميل ف الازرق انه



ازرق!
مش عشان مفيش اسباب تانية
بس انا بحبه!

حكيت كتير انا اوي!!
نورت بزيارة "اولى"