Monday, October 29, 2007

ماتخافش/ خاف


حاول تخاف
مني
وعليا
وبيا
فيا
وليا
ليك

وإياك تخاف
من غمضتي
خاف بس من رمشي اللي مَتني جوا عيني بالغلط
لكن بيوجع!
مانتاش هتعرف رغم خوفك
أو كسوفك
رغم حبك
تطرحه
وتحط رمشك لجل يحمي
مطرحه
..

16 comments:

عين ضيقة said...

مش هيعرف للأسف

ماتخافش/ خاف

العنوان حلو أوى
تقريبا ادانى كل الحالة

على فكرة
انا مش عارفة ايميلك عندى ازاى؟
عموما هراجع الماسنجر تانى ياقمر
لو طلع موجود من زمان وانا مش واخدة بالى هزعل جدا والله

بس المهم يكون موجود

سلام بقى

أحمد سلامــة said...

مانتاش هتعرف رغم خوفك
أو كسوفك
رغم حبك
تطرحه
وتحط رمشك لجل يحمي
مطرحه

خلوني نزلت على البوستات اللي قبلهم عشان في ابيات بتتكلم عن اصحابها بقلب مكشوف
تسلم ايدك
بجد ممتعة
والموسيقى الخيرتية الجمياة اضافت ايضا

Anonymous said...

مش عرف أعلق ,, لأني مش متعود على المدونات

بس

عايز أكد أنها جميلة أوي
وفكرتها حلوة وتتحس

عالمى ازرق said...

تعرفى انا جيت كام مره اعيد قرائتها
وبجد حاسه ان اى تعليق مش هيعبر عن قد ايه رائعه ومختلفه كلماتك تلك المره

دمتِ رائعه

انسان said...

كلامك رقيق قووووووووي

رضوى داود said...

ما عنديش غير كلمتين
الله
وحشتيني
نفسي اشوفك قوى يا رانيا

إبـراهيم ... said...

الله عليكي ياااا مبـدعة
.
.
.
قصيدة من السهل الممتنع الممتع جدًا ريا رانيـــا ....دمتِ بهذا الاخضرار



.
.
وسلام يا قمر

Anonymous said...

قريتها كتير...

دى زى ترنيمة

أعتقد لو رددها كتير
أكيد هايعرف

رانيا منصور said...

أسماء..
من ساعتها ماشفتكيش يا بنتي ينفع كده؟؟
مش مهم يعرف في الحالة دي يا سمسمة
هنا تقرير بس للحال

يعني يبقى على ما هو عليه !
خلصت
مودة
..

رانيا منصور said...

أحمد سلامة..

سعيدة بمرورك
وان النصوص عجبتك يا افندم

كررها
مودة :)

رانيا منصور said...

هيثم..

مبسوطة اوي انك عرفت الطريق وجيت
وعلقت كمان

يارب تتكرر بس
ها
..

مودة زيفينش :)

رانيا منصور said...

عالمي أزرق..

مختلفة يا جارتي؟
يمكن
مصدقاكي
ممممم..
هو ايه بيخلي الحروف عندها القدرة ساعات تفتن علينا؟

صباحك هنا وصفا

مودة

رانيا منصور said...

انسان..

كلمتينك من أفضل ما يمكن يتقال

لو رقيق يبقى استنتج انه بيوصل؟

مودة يا افندم
سعيدة بمرورك

رانيا منصور said...

أمييييييييييييييييييرة

أخيراً عرفت انتي مين
ههههههههههههه
كنت باقول مين دي اللي عايزة تشوفني بس ياربي

وحب بلوجات بقى يعني عارفاه
تؤ
طلعتي ممممممم
حبيبة


مودة..

رانيا منصور said...

ابراهيم بيك..

منور أز يوجوال
ودي مو تريقة ها
عارفة النوايا اللي كده وكده دي

سعيدة انها عجبتك يا ابراهيم والله
مودة صادقة

رانيا منصور said...

مها..

إزيك لوّل ؟؟
ترنيمة
مممممممم

حلو الاصطلاح بجد
بس مهما اتكرر
التكرار ما بيفهّمش يا مها
والقلب مابيفهمش
القلب بيحس بس

سيبك انتي
بخير؟؟